Datorren astelehenean, otsailak 1, lehen tren-ibilgailuaren 125. urteurrena ospatzen da. Lurrunaren indarrak edo tiro-animalien oinarrizkoenek bultzatu beharrean, garai hartan berria zen energia bati esker mugitu zen: elektrizitatea. Hori dela eta, Eusko Jaurlaritzak eta Euskotren Sozietate Publikoaren Burdinbidearen Euskal Museoak ekitaldi honetan gertaera historiko horri buruz hainbat dibulgazio-ekintza jarriko dituzte abian, Bilbotik Santurtzirako tranbian, Espainian trakzio elektrikoa erabiltzen lehena izan baitzen.

Euskotreneko Burdinbidearen Euskal Museoak bere Erakusketan, kotxetegiko eraikinean, zaharberritutako azken pieza historikoa sartu du: Levallois-Perreteko (Frantzia) SATAM (Société Anonyme pour Tous Appareillages Mécaniques) markako erregai-hornigailua, G-12 modeloa, Bartzelonako Isidro Herréiz lantegiak lizentziapean egina. 

Covid - 19aren ondorioz, 'Euskal Trenbidearen Historia'ren erakusketa web orrialdean soilik ikusgai dago.

Euskotren, Azpeitiko Burnibidearen Euskal Museoaren eskutik, Espainiako Trenbideen Fundazioak sustatutako ekimen bati atxiki zaio, trenbidearen Europako hogei museorekin batera. Ekimen horren helburua da ondare-espazioek jendearentzat irekita daudenean pertsonen zaintzan izango duten paper onuragarria erakustea, Covid-19rekin batera. Osasunaren Mundu Erakundeak (OME) baieztatu du arte- eta kultura-jardueretan parte hartzeak osasun fisikoa eta mentala sustatzen duela. Ildo horretan, Europako burdinbide museoen lehenengo ekintza maiatzaren 18an manifestu bat idatzi eta zabaltzea da.

Eusko Jaurlaritzaren Sozietate Publikoa den Euskotreneko Burdinbidearen Euskal Museoak, abenduaren 6tik 8ra bitartean 6 tren historiko zirkulazioan jarriko ditu, Konstituzioaren eta Sortze Garbiaren jaiegunekin bat etorriz. 

Euskotren Eusko Jaurlaritzaren Sozietate Publikoaren Burdinbidearen Euskal Museoa 25. urteurrena ari da ospatzen Azpeitiko (Gipuzkoa) instalazioetan. 

 Irekiera-ekitaldia, non “Burdinbidearen Euskal Museoaren 25. Urteurrena” haur-lehiaketaren sariak banatuko diren eta EGAPE dantza-taldeak parte hartu duen, Arantxa Tapia Eusko Jaurlaritzaren Garapen Ekonomikoko eta Azpiegituren sailburuaren zuzendaritzapean ospatu da. Imanol Leza Euskotrenen zuzendari nagusiak eta Juanjo Olaizola museoaren arduradunak ere parte hartu dute. 

Burdinbidearen Euskal Museoak, datorren abuztuan zehar 49 tren historiko zirkulazioan jarriko ditu: 15 lurrunezko trakziokoak eta 34 diesel.

Lurrunezko trenek larunbat, igande eta jaiegun guztietan zirkulatuko dute, honako irteera ordutegiarekin:

•    Larunbatak: 12:30ean eta 18:00etan.
•    Igandeak eta jaiegunak: 12:30ean.

Horrez gain, abuztuko lanegunetan diesel trakzioko tren zerbitzua eskainiko da. Irteerak, asteartetik ostiralera, 12:30ean eta 18:00etan burutuko dira.

Igandean, irailaren 1ean, Museoko neguko ordutegia indarrean sartzen da. Ordutegia honako hau izango da:

•    Asteartetik ostiralera: 10:00etatik 13:30era eta 15:00etatik 18:30era.
•    Larunbatak: 10:30etatik 14:00etara eta 16:00etatik 19:30era.
•    Igandeak eta jaiegunak (astelehena izan ezik): 10:30etatik 14:00etara.

euskotreneko Burdinbidearen Euskal Museoko 25. Urtemuga dela eta,  haur marrazki lehiaketa antolatu da. Bertan, 4 eta 12 urte bitarteko haurrek parte hartu ahal izango dute. Bisita egin ondoren, museoari, lurrunezko trenari edo bildumei buruz egindako marrazki bat egin beharko dute.

Jasotako marrazki guztien artean, Euskotreneko, Burdinbidearen Euskal Museoko eta Museoko Lagunen Elkartearen ordezkaritzarekin osatutako epaimahaiak, irabazleak aukeratuko ditu. Epaimahaiaren erabakia irailaren 15ean izango da.

LEHIAKETAREN OINARRIAK 

Historikoki, Euskadi mugikortasun elektrikoaren arloan liderra izan da penintsula osoan. Euskadin jarri zen abian estatuko lehen tranbia elektrikoa, 1896an, Bilbo eta Santurtzi artean, baita lehen tren elektrikoa ere, Ulia mendikoa, 1902an. Gaur egun ere, Euskotrenek gauzatzen du penintsulako tren elektrikoaren ibilbide luzeena, Amara eta Loiola geltokien artekoa, zeina duela 116 urte elektrifikatu baitzen, 1903an.